إهداء : منها وإليها
مين اللى قال إن الوطن ضاع
؟!!!!!
لاء .... ما ضاعش !!!!!.
لاء .... ما ضاعش !!!!!.
دا اللى يفكر يخطفه
مجنون وجحش
(1)
دا ضى بنتى ساعات بتمسك العلم
وتقول هتاف
طبعا بتهتف ضد إخوان الغنم
أمال تخاف ؟؟!!!!! .
بتقول كلام ...انا ما أعرفوش
وما قولتهوش
ومالوهش معنى عند عشاق الوشوش
غير ان بكرة جاى ( لينا ) اكيد
بشوش
وان العيال مابقوش
عيال
ومابيخافوش
ومابيخافوش
وان اللى خلف زى دول
اكيد مامتش
مين اللى قال ان الوطن ضاع
؟!!!!!
لاء .... ما ضاعش !!!!!.
(2)
بكرة اللى جاى
هيأكد المعنى اللى ساكن حشاى
بإن إبن الثورة راجل
عاش جرىء....عاش شهيد ...ومات
بطل
اما اللى طمعان فى الكراسى
ياكل كراسى
يشرب كراسى
يشرب كراسى
يلبس كراسى ....دا الكرسى نعش
مين اللى قال ان الوطن ضاع
؟!!!!!
لاء .... ما ضاعش !!!!!.
(3)
لا يا جماعه ...
كفايه مملؤة الكاسات بالدم مهروس فالدموع
كفايه مملؤة الكاسات بالدم مهروس فالدموع
طريقنا رايح ... مافيهوش رجوع
يا أما نفضل فى الحارات .....
واقفين سبوع
يا أما نكتب فوق قبور
عمال مصانعنا القديمه وفلاحينا ف النجوع
عمال مصانعنا القديمه وفلاحينا ف النجوع
يرقد هنا المرحوم : فقير ابن الفقير
سبب الوفاة ............ (( ذلٌ
وجوع ))
اصرخ ........... هتافك مش كلام
لاء داااا لجام
للى يفكر يفترى ... ويكون حمام
يفرد جناحه يطير لفوق
لا ف يوم يمل .... ولا خانقه عش
مين اللى قال ان الوطن ضاع ؟!!!!!
لاء .... ما ضاعش !!!!!.
دا اللى يفكر يخطفه ....
.......... .... مجنون وجحش
كلمات المرحوم الفقير : أحمد الحديدى
ليست هناك تعليقات:
إرسال تعليق