لعب خليفه

مين اللى مانع القصيده

م الخروج

         حشرها فى ذورى
طعم المعانى ملح صافى
وانا اللى مانعنى من الملح المرض

            بأمر دكتورى

(١)

كنَّا لِعَب

من بين لعب ابن الخليفه
لعب علينا كام سنه
ألعابه لسه معلمه
لِعِب لحد ما تعب
لِعِب و فى الاخر هِرب
هرب الخليف مع الخليفه
حتى اللعب بيجيها يوم

              تصبح مخيفه   

(٢)

ممكن تقولى اذاى
واحنا فى زمن العجب
تحكم لعب ؟؟!!!!

ممكن تقولى اذاى
تأمر حزين يعزف نغم

       ترقص عليه ؟؟!!!
إذاى
تأمر حزين يعزفلك اللحن اللى يفرح
وهو ماسك ناى ؟!!!
إذاى

اذاى يكون القلب واحد

 والجسد مقسوم؟؟!!
اذاى يكون الحن

طالع من مقام الصبا
بس الايقاع مقسوم ؟!!!

(٣)

بعد الصراع  ع السلطه

 والهبل الكبير
قلنا ندى اللعب

حق تحديد المصير

معلش فى ألعاب كتير

لا تحترم
بالسخرة تحفر قناه
بالسخره تعمل هرم

ايوه الهرم إعجاز
والعجز فى بنائه
ديما يكون المرض

 متعبى فى دوائه

(٤)

الرفق باللعب

وجب نعمله جمعيه
وبعد ما غرق الوطن فى الدم
واليوم صبح

  صيد الحرس غيه
تعالوا نعمل للشعوب

    محميه طبيعيه

(٥)

اذاى هيحكمنا ابن حنبل

واحنا احفاد الحنيفه

اكيد هترجع اللعب

 لخير أجناد الخليفه **

** خير اجناد الخليفه أسم ديوان للشاعر مصطفى حسان

بزوق ف الأيام

عايش حياتى كلام

بزوق ف الأيام
بافطر بأحلامى
واتعشى برجولتى
وقت النهار بتمنى اموت
         وف ليلى اموت وأنام
عايش حياه بزوق ف الأيام

حته خشب عايم أنا ع الموج
مره يجبنى يمين
مرة يجبنى شمال
عايش لعل وعسى لغير أكون شيال
الحلم عفر ع السنين بهجه
الزويه لو حاده
أضلاعها منفرجه
الحلم زى البنت فى ليله جواز
عروسه من غير زوج
وانا يادوب
حته خشب وعايمه فوق الموج

بعافر الزمن واعانده بالكسل
بقلِّب الماضى ف بكرة
و احلى فنجانى بذِكره
واعد ف الأيام
يوم مر يوم تانى عسل
بعافر الزمن واعانده بالكسل

باحاول اهرب منى أو من أى قيد
والعن أبو العاده على التقاليد
أحب أقرا الفلك
نجومه مش غيبه
واحب تربية السمك
واكره قوى صيده
إزاى تكون خاين وتبقى سعيد
ملعون أبو العاده على التقاليد

يركبنى عفريت القصص

اللى مانيش فيها
واتعبد المعنى اللى ساكن

 فى قصيده بنت
مش عارفه تلقيها
وآه مِنِ المعانى بكر

لمَّا بتدّلدء من الحروف جمل

دافيه
وآه مِنِ العيون

جمال لا يحتمل

 صافيه

عقلى تعب منْ توهِةِ التفكير
وصابنى ميت كافيه
اليأس بحر غويط ومر
لكن أكيد نقطه أمل

كافيه
وانا اللى متعود على طعم الألم

قدرى
أحاول اضحك على الألم بالليل

وانام بدرى
واخاف قوى ليجينى ف الأحلام
عايش حياه بزوق ف الأيام

كفن

الرب واحد يا بشر
بس الوطن مقسوم
يارب لما أموت
يكفنونى هدوم

احنا اللى سطر الكلام آساطير خرافيه
احنا اللى حكِّينا
.......واحنا اللى ألفنا
احنا اللى غنينا
......... وصوتنا خوفنا
ولما أخرجنا الڤيناله جت حقيقيه

مين اللى كان يقدر يقول
بارليف نعدى منه عادى ونخرمه
احنا اللى أثبتنا البقاء للى خلق
............ والأقوى لازم نكسره
احنا اللى عبِّينا الميدان ملاين بشر
لجل إن واحد مش عاجيبنا قولنا يالله نغيره

اجددنا لما فكروا يعبروا عن نفسهم
بنوا الهرم
بس اما حبوا يعبروا عن عجزكم
قلبوه كفن

الرب واحد يا بشر
بس الوطن مقسوم
يا رب لما أموت
يكفنونى هدوم

استرضاء

صفق لمن لا يستحق ..... لعلهم يصفقون له بحق

ذاتيه

عاش لنفسه فقط ...... ومات من الملل

البسمه

البسمه فى وش الفقير ولَّادة

أما فى وش النخب غابه

حبه هموم وقت اللزوم وصفه

تطرح حياة فاشرب كافيه ساده

البسمه

البسمه قدام وش اخوك قِبله
والبسمه على وش الحبيب قُبله
البسمه فى ايد العيال نِبله
والبسمه فى وش الفقير حِبله

الحقيقه

غالبا ما تأتينا الحقيقه من مصادر لا نثق فيها حتى تحتفظ الحقيقه بغموضها

ايوة

ايوة الزمن اتغير 

وبيلعب بينا سياسه 

واحد اعمى وواحد اخرس وتالتهم جحش  بس صغير

لما الاعمى يشوف بلاوينا يوصفها لصاحبه 

واما الاخرس يجى يعبر عن مشكلنا يشاور برضه لصاحبه 

واما التالت يجى يصرح ان التانى اخرس وان الاول ما بيشوفش 

يكتشف الكل حقيقة

ان التالت جحش

كان ياما كان

كان يا ما كان كان فيه اخوان

شاركوا معانا فـ كل ميدان

وأما نجحنا فـ عز فرحنا

أكلوا الثورة وحلُوا كمان

كان يا ما كان كان فيه اخوان

أكلوا الثورة وحلُوا كمان

واما العسكر طقشم فينا

قاموا علينا وفقعوا عنينا

شفطوا المجلس قلبوا علينا

عرَوا بناتنا فى الميدان

كان يا ما كان كان فيه اخوان

أكلوا الثورة وحلُوا كمان

ضحكوا علينا وخانوا الثورة

أخدوا المجلس كله مقاولة

عند الريس عملوا مؤامرة

وانتخاباته خدوها كمان 

كان يا ما كان كان فيه اخوان

أكلوا الثورة وحلُوا كمان

جابوا الريس قالوا كويس

بس طلع دلدول ومهيس

كل مصيبة يعك يليس

ويَا الشاطر والعريان

كان يا ما كان كان فيه اخوان

أكلوا الثورة وحلُوا كمان 

لفى يا ساقية عبى ودورى

وبدأها بإعلان دستورى

على باب القصر الجمهورى

إضرب على قدر الإيمان

كان يا ما كان كان فيه اخوان

أكلوا الثورة وحلُوا كمان

تاجروا بدينى وف بنزينى

ولا ميَة وكهربا بتجينى

نشفوا دمى اللى ف شرايينى

قلت تمرد مش إحسان

كان يا ما كان كان فيه اخوان

أكلوا الثورة وحلُوا كمان

حزب الدكة فـ تلاتين ستة 

قاله كفاية خدلك سكة

بس جماعتة فضلت ماسكة 

طلع السيسى ظرف له بيان

كان يا ما كان كان فيه اخوان

قالوا شرعية وقلنا ميدان

أحمد الحديدى 

أحمد القــداح

سر

ولسه فاكر نفسك
ابو العريف ....يا حلاوتك
وكل الناس ما بتفهم
مادام على عكس ساعتك
اقولك سر بيئلم
بلاش ....خليك فى غباوتك

القصيدة الغير مكتمله

1
اسمــــع كلام الثورة وارحـل يا غبى ..... الليل بيرحل للنهار
دم الشهــــيد لما بينزف ع الرصيف يرســم ملامح الانتصار
اياك تكون فاهم هننســـى ..... لاء د اصبح بينا طــــــار
دم اللى مات ...غرق مركبك... لما ابتديت وضــــربت نار
الظلم طال..عربات بتهرس ف العيال..مين اللى قال ينفع حوار
هو انت فاكر كل مصرى ...بعد اسمه ف البطاقه بين قوسين مكتوب (( حمار))!!!!ا

2
اسمع كلام الثورة وارحل يا غبى ........... الثورة ما بتعرفش خوف
مش معنى انه بالانتخاب... نديله فرصه مهما خاب ...ونقول ظروف
كل الكوارث فيها ريحة حضرتك...................... يارب ارحم يا رؤوف
الشعب دة الله عليه .... ماعدش ينضحك عليه.....يأعمى شوف
هو انت فاكر كل مصرى ...بعد اسمه ف البطاقه بين قوسين مكتوب (( خرووف))!!!!ا

صحيح انت ريس

صحيح انت ريس 

وبرضه انت مدنى 

وجاى غصب عنى

لكن شىء مؤكد بانك مهيس

صحيح انت ريس لكنك مهيس

صحيح انت ريس

وقالوا مهندس 

لكنك ياريس 

تمامك مليس 

صحيح انت ريس لكنك مهيس

صحيح انت عاله

 وكنت الكماله

اكيد انت حاله

 تدرس فتنحس

صحيح انت ريس لكنك مهيس

صحيح اللى جابك علينا وبلانا

بديع برضه شاطر برنس بلبانه

بلاش نهضه تانى دا خيرك عمنا

تروح برة تشحت فترجع مفلس

صحيح انت ريس لكنك مهيس

3 كلمات

زمان انا قولت فى عشقك تلت كلمات

فأول واحدة : جدر الحب غوط فيا حبك فين؟! 

وتانى كلمه : لو بتحبى انا قابل تخلينى رقم اتنين

واخر كلمه : كلى آهات انا اسف لانى بحبى غرقتك فقلبك مات

يالله السلامه

لما دى تبقى البدايه

( الوسيله تبقى غايه )

تبقى دى بداية النهايه

وبقى اقولوا على البلد  يالله السلامه

لما يبقى الفشل دا طبع فيك

وانت عادى تدعى انك بطل 

لاء وتلقى حد زيك صدقك

تبقى كارسه شعب عايش فى السحاب

اصل راعى الغنم بيجب معاه حبة كلاب

مش حراسه لاء خيابه

حد فيكم مره شاف صياد يموت برصاص يمامه 

يبقى قولوا على البلد يالله السلامه

لما يبقى الكون كئيب وانت السبب

لما تبقى الخنقه نعمه

وانت عن احوالنا تعمه

لما تبقى العتمه دارك

لما تبقى الميه قاطعه وانت نهر النيل دة جارك

لما ترجع ناس وتترحم على ايام مبارك

يبقى عارك

احنا ثورنا للكرامه 

وانتخبنا ناس لمامه

بس قولنا على البلد يالله السلامه

انت عندك مخ انت ؟؟انت عندك انت قلب ؟؟!!

جى تقارن نفسك انت ويا ناصر وانت  كلب؟؟!!!

لما دى تبقى البدايه

( الوسيله تبقى غايه )

تبقى دى بداية النهايه

وبقى اقولوا على البلد  يالله السلامه

مين اللى حط الحزن فيك 

                  وانت مخلوق م السعاده؟؟؟؟

هو اللى برضه روحه فيك 

                 هيرضعك ليه قهوة ساده ؟؟؟

ولا عمرى حبيتكَ ولا خبيت عليكْ احساس

                                       ولا قلبى قدر يكرة

مانا عينى غير عينكْ افتحهم اشوف الناس

                                      اقفلهم اشوف بكرة

على مزاجى

انا عاوز احبك على مزاجى

عطشان اجيبك عطشانه تيجى

اصبح شيطانك وانت ملاكى

فى العته نورى ف السلطه تاجى

حبك غمرنى ففاض ملاكى

انا عاوز احبك على مزاجى

سبينى احبك على طرقتى 

اتوضا بيكى واتمنى ترضى

واشهد بِحُبك والعشق فرضى

نبتى فيا وانتى ارضى

واللى روانى اكيد رواكى

انا عاوز احبك على مزاجى

انا عاوز ابوسك وبرضه خايف

ادوب ف لمسه من الشفايف

ولاعدت سامع ولا عدت شايف

الكون فارقنى والوقت واقف

تتوهى منى اتوه وراكى

انا عاوز احبك على مزاجى

انا عاوز احبك بشجاعه واضحه

وكتب كتابك دة صفحه صفحه

اغنيه عامى والتانيه فصحه

اكتب بَحِبَكْ تقومى انت مسحه

اقوم كاتبها ومن وراكى

انا عاوز احبك على مزاجى

عطشان اجيبك عطشانه تيجى

اصبح شيطانك وانت ملاكى

فى العته نورى ف السلطه تاجى

حبك غمرنى وفاض ملاكى

انا عاوز احبك على مزاجى

على مزاجى + ١٨

انا عاوز احبك على مزاجى

عطشان اجيبك عطشانه تيجى

اصبح شيطانك وانت ملاكى

فى العته نورى ف السلطه تاجى

حبك غمرنى ففاض ملاكى

انا عاوز احبك على مزاجى

سبينى احبك على طرقتى 

اتوضا بيكى واتمنى ترضى

واشهد بِحُبك والعشق فرضى

نبتى فيا وانتى ارضى

واللى روانى اكيد رواكى

انا عاوز احبك على مزاجى

انا عاوز ابوسك وبرضه خايف

ادوب ف لمسه من الشفايف

ولاعدت سامع ولا عدت شايف

الكون فارقنى والوقت واقف

تتوهى منى اتوه وراكى

انا عاوز احبك على مزاجى

انا عاوز احبك بشجاعه واضحه

وكتب كتابك دة صفحه صفحه

اغنيه عامى والتانيه فصحه

اكتب بَحِبَكْ تقومى انت مسحه

اقوم كاتبها ومن وراكى

انا عاوز احبك على مزاجى

انا عاوز اجرب اوضاع كتيرة

لأعمل حساب لاولاد وجيرة

الحس خمورك تمصى بيرة

اديك تاخدى مانجبش سيرة

بركانى يضرب مابين وراكى

انا عاوز احبك على مزاجى

عطشان اجيبك عطشانه تيجى

اصبح شيطانك وانت ملاكى

فى العته نورى ف السلطه تاجى

حبك غمرنى وفاض ملاكى

انا عاوز احبك على مزاجى

فى وجهِ منْ صاروا غنمْ

اهداءْ إلى يوسف إبنى وآبى 

أنا لم ألدْ ابداً صبياً .... يرتدى قبْر السُكاتْ

فعِشْ آبياً مُتْ بطلْ .... من قال لا أبداً ما ماتْ

فى وجهِ منْ صاروا غنمْ

أنا إن ولدتُ - على مضضْ منى -
       فلا ولن أموتُ على هُراءْ

لا يا ابْن قلبى لا أُريدُ منك حزناً أو بُكاءْ

إن مِتُ لن يجدينى ملؤ الأرضِ كرباً أو عذاءْ

فلا اريد منك دمعْ ولا يجوز الانحناءْ

أنا لن أكونَ أعزُ نفراً
             وشهدى يا كربلاءْ

من ماتَ ماتَ لكى تعيشَ
              ولا حياة بلا فداءْ

موتى عليا سعادة ٌ موتى على الجهالِ داءْ

أنا إذ أموتُ فلا أزل فكراً يبثُ على الهواءْ

الارضُ ضاقتْ بى
                فهل أسمو إلى رَحِبِ السماءْ

لا شىءَ يجمعٌ بين قلبٍ يعشقُ الحبَ
                 وقلبٍ مات من فرطِ الغباءْ

من قال لا فى وجهِ منْ صاروا غنمْ
من قال لا...( ل+أ )... لامَ الحبيبَ..... ألفَ العناءْ

عندما تبكى اللى زيك

دلوقتى جايه تعيطى

دلوقتى جايه تعرفى 

بان طعم الذل مر

والوقت لما يضيع هدر ساعات يضر

وان اللى يغلط راسه لازم تتحنى

وان القرار اللى هنخدوا بالغلط لما .... بنيجى نصلحه....  ندفع بدال الدمع دم

وان الحدود  اللى ف دنياكى مهيش قلبك وبس ......لاء فى حاجات اغلى واهم 

اسف لانى لما شفتك عنيك وانت بتدمعى ماقدرتش اشعر اى حاجه نحيتك

وليه اسف  ؟؟؟؟؟؟!!!!!!!!!!!!  وانا اللى عايش عمرى كله لامؤخذة ضحيتك

انت اللى كنت حاطه نفسك فوق عبط

وكل كلمه حب اقولها تفسريها بالغلط

ليه كنت شايلك فوق كتافى وانت موش عاجبك كمان ؟؟ لاء كنت عايزة تركبى ع الروس

دلوقت لما بمشى ف مكان وسخ اكيد ببص ..... تحتى كتير لحسن على راسك ادوس

انا اللى كنت مفهمك بالحب انك ملاك

وكنت واهم نفسى انى بشر

دلوقت لاء وكله إلا هواك

حتى الدموع ماعدتش تترك اثر

انت خلاص اصبحتى بالنسبه لى شىء عيب انى اقوله

الساعه منه بخمسميه ف النظيف اما اللى زيك  متساويش الليل بطوله

الملك

الرهان كان الكتابه

                اما قلبى كان ملك

كنا مش نافعين ف حاجه

             عاش الملك مات الملك

بس فوقنا جبنا فوقنا

          شخص ماشى بذمبلك

بعد ما اخلص  كتابه

                    سلموها للملك

بالأمانة

اما تسكن جوة منه

اما يبقى عرش مملكتك فحضنه

لما عادى الشمس تخرج من مدارها

برضه عادى ان القمر ما يجيش ف ديلها

بس هى تغيب ف لحظه 

تبقى كارسه

اما يبقى القلب ماليان بالمشاعر

وانت شاعر

انت شاعر ان اصغر حس فيهم ان انت بتعشقه

انت عديت الشعور دة من زمان .... 

الكلام ماعدش يقدر يحتمل احساسك انت 

لما تبقى فى حضنه هو

          ف حضنه جوة

رغم حبك !!!! يجى طيفها وحدة تانيه غير حبيبتك

ببقى لازم اسئلك

             بس قولى بالامانه

هى دى تبقى خيانه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قلب ٧٦ سبور كوبيه بحاله جيدة

قلبى عامل زى عربيه ببابين

ايوة يمكن رشه جوة العفشه برضه مهكعه

بس يركب فى بدل واحد تنين

برضه ممكن لو رفعنا الكرسى يركب اربعه 

الموديل دة  احلى حاجه انه قديم

    والمتور لو شال ذيادة عن كدة فوت اكيد

اصل ربك لما عدد كان عليم

          عبد ذى قلبه تعبه والبنات بتشجعه

النيل زعل

مقدمه

النيل زعل ماعرفش ليه

ولاعدش يسمع همى ليه 

السد ذاد من تحت جاب عليه وطيه

النيل نجا ولا نجاشى ولا ايه ؟؟

القصيدة

مالك كدة وشك كئيب ذى

ماليان تجاعيد الهوى وماشيه عكس السير

يمكن تعبت من الطريق ولا ضناك الهم ؟!!!

طب ما انت عارف اولك وان اخرك يم

هو اللى غارقان جوة فيك هيحدفك بالطوب ؟!!

وانا لما بشكى همى فيك وعد وعليك مكتوب

مين اللى ناسى الهم مين ؟؟!!! انا اصلى مابنساش

مين اللى مالى صفحتك بالشخبطه ديه

..................................ومع الاسف مابتتقراش

انا ماشى بس اليله دى وهاجى ليك بكرة

عاوز اشوف النيل سعيد والميه فيه فرحه

وهو مر يوم وكمان تلاته وذدت انا سبعه

ماردتش اروح الا اما اكون فرحان

ورحت والبسمه على وشى 

زى الكتاب مايقول

لقيتة قاعد فى المكان وشه تمام زى

البسمه هى بسمتى نفس الفرح فرحى

ركزت فيا عرفت انه حزين

عارفة ؟؟!!

عارفه ؟.  انا ممكن ارجع احبك تانى

مش علشان الحب وحشنى 

ولا علشانك .... ولا علشانى

يمكن علشان التوهه اللى شايفها ف كل ملامحك؟؟!

يمكن من حرقه جرحك قلبى ... ماقدرتش اسمحك ؟؟!

يمكن سامعك ؟؟ يمكن شايفك ؟؟ يمكن فاهمك؟؟!!

كل دة جايز كل دة ممكن ... بس اكيد علشان حسك

عارفه انا بعد اتناشر سنه من البعد المكتوب

قلت اكتب اسمك فى السيرش على اليوتيوب

لقيت لك واحد فيدوا

من سنتين عدوا

وانت بتلقى قصيدة تاكد معنى التوهه اللى انا حسوا

مع انى ....

 كنت بدوب فى المعنى اللى انا سامعه

مع انى ....

عارف ان قصدتك عنك 

لكن متاكد انها عنى

مع انى ... بعشق صوتك وكتير توهنى 

بس المرة دى لقتنى بفوق

وف نفس اللحظه النت فصل .... ووقف اليوتيوب

وفجأت انك لابسه نفس التوب

اخر مرة اشوفك فيها كروهات احمر لون الطوب 

بعد اتناشر سنه من الذمب مش هقدر اتوب ؟؟!!!!

عارفه. ....... انا مش هقدر احبك تانى

لانى كتبت اسمك فى السيرش على الفيس بوك طلعت فى ثوانى

صفحه مكتوبه باسمك بس بأفتار تانى

اغلى منى ومنك 

         صورة بنتك

وعنيها بتقولى يا بابا انا مش بنتك انا من واحد تانى

وانا عارفه انك فى ثوانى حبتنى و بعمرك كله حبتها وهى ماحبتش ابدا غيرك 

بس ياريتها.... و بس يا ريتك .....

وانا عارفه كمان انك مش ممكن تبقى انانى

وساعتها قفلت الايباد 

وعرفت ان البعد بيخلف زيه بعاد 

وسمعت اللحن ف ودنى

فيروز بتدندن وتغنى 

الله يخلى الاولاد

اسئله

فى اسئله ج الوقت نسئلها 

ليه البلد مهما حصل .... ما بينصلح حالها ؟؟!!!!

قالوا مبارك كلب ....غار ..

                        طب ليه تجيبوا كلاب ؟؟!!!! 

هى البلد دى ليه كدة هباب وتحته هباب ؟؟!!!!

وليه يا ناس لما رحل ما صبحش حال غير حال؟؟!!!!

وليه يكون دايما جواب سؤالى برضه سؤال؟؟؟!!!

ليه اللى ماشى ف سكته  ياخد طريق تانى ؟!!!!

كل اللى بانو فى الميدان كندوز على ضانى

ولا حاجه تسعد مهجتى ولاحد بكانى 

اذاى يكون اللى بيحكم مصر ناس وسخين ؟؟!!!!

لا والمعارضه عكسهم لكن كمان وسخين !!!!!

ليه يبقى ديما الاختيار ياما زفت يا طين ؟؟؟!!!!

اذاى تكون بالشكل دة وتفوز باسم الدين ؟؟!!!

بس الحقيقه انهم فعلا ولاد دين ........... دين

طب ليه صحيح المسخرة بقت صفه عامه ؟؟؟!!!!

تجمع ما بينكم كلكم النخبه والعامه

اسئله +١٨

فى اسئله ج الوقت نسئلها 

ليه البلد مهما حصل .... ما بينصلح حالها ؟؟!!!!

قالوا مبارك كلب ....غار ..

                        طب ليه تجيبوا كلاب ؟؟!!!! 

هى البلد دى ليه كدة هباب وتحته هباب ؟؟!!!!

وليه يا ناس لما رحل ما صبحش حال غير حال؟؟!!!!

وليه يكون دايما جواب سؤالى برضه سؤال؟؟؟!!!

ليه اللى ماشى ف سكته  ياخد طريق تانى ؟!!!!

كل اللى بانو فى الميدان بيدلدلوا بيضانى 

ولا حاجه تسعد مهجتى ولاحد بكانى 

اذاى يكون اللى بيحكم مصر ناس وسخين ؟؟!!!!

لا والمعارضه عكسهم لكن كمان وسخين !!!!!

ليه يبقى ديما الاختيار ياما زفت يا طين ؟؟؟!!!!

اذاى تكون بالشكل دة وتفوز باسم الدين ؟؟!!!

بس الحقيقه انهم فعلا ولاد دين ........... دين

طب ليه صحيح المنيكه بقت صفه عامه ؟؟؟!!!!

تجمع ما بينكم كلكم النخبه والعامه

فعل السنين

نفس الشوارع والبيوت 

نفس الكلام ذاد القلق 

وحاجات بتحى علشان تموت

وناس تموت علشان ورق 

وناس بتصرخ فى السكوت 

وحجات بترفض تتخلق

نفس الاماكن اه صحيح 

بس الاسامى ع اليفت اتغيرت واتلخبطت 

وناس زمان متبعترين على البيوت

مابقوش خلاص متبعترين   

                         اتكوموا     واتبدلوا

اكيد بناس تانين

ودة فعل السنين